Інстытут мовазнаўства імя Якуба Коласа

.

У рамках адзінага дня інфармавання 21 мая прайшла сустрэча ў гібрыдным фармаце з прымяненнем сістэм відэаканферэнцсувязі прадстаўнікоў Інстытута мовазнаўства імя Якуба Коласа з работнікамі РУПЭ “Белтэлекам”. (здымак 1, з залай)

Дырэктар інстытута Ігар Капылоў і вядучы навуковы супрацоўнік Аксана Ванкевіч расказалі шырокай аўдыторыі пра лінгвістычны статус ненарматыўнай лексікі, яе вытокі у рускай і беларускай мовах, функцыі ў камунікатыўным акце; акрэслілі небяспечныя наступствы брыдкаслоўя ў публічнай сферы і прапанавалі пэўныя меры па ліквідацыі так званага “сацыяльнага віруса” ў беларускім грамадстве. (здымак 2, прэзідыум)

Адзіны дзень інфармавання

У Інстытуце мовазнаўства імя Якуба Коласа прайшло пасяджэнне, прысвечанае адзінаму дню інфармавання. У час пасяджэння да супрацоўнікаў была даведзена інфармацыя пра стан і перспектывы развіцця турыстычнай галіны ў Рэспубліцы Беларусь.

ІІ Міжнародная навуковая канферэнцыя «Еўразійская гуманітарная прастора: стан і перспектывы развіцця гуманітарных навук»

На базе Інстытута мовазнаўства імя Якуба Коласа 14–15 мая адбылася ІІ Міжнародная навуковая канферэнцыя «Еўразійская гуманітарная прастора: стан і перспектывы развіцця гуманітарных навук». У вочнай і дыстанцыйнай форме было заслухана больш за 70 дакладаў удзельнікаў з Беларусі, Расіі, Кыргызстана, Казахстана, Узбекістана і Турцыі.

Школа маладых вучоных «Навука – выбар будучыні»

14–15 мая 2026 года маладыя вучоныя Інстытута мовазнаўства імя Якуба Коласа Марына Глушыцкая і Алена Путрыч прынялі ўдзел у Рэспубліканскай школе маладых вучоных «Навука – выбар будучыні», арганізаванай Універсітэтам НАН Беларусі сумесна з Саветам маладых вучоных НАН Беларусі.

НАВУКОВАЕ СУПРАЦОЎНІЦТВА ПЕРАКЛАДАЗНАЎЦАЎ

13 мая 2026 года супрацоўнікі Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі разам з кафедрай сучасных тэхналогій перакладу Беларускага дзяржаўнага ўніверсітэта замежных моў правялі ў гэтай навучальнай установе круглы стол на тэму “Перакладазнаўчая тэрміналогія: праблемы міжмоўнай эквівалентнасці і лексікаграфічнай рэпрэзентацыі”.

Падчас мерапрыемства былі грунтоўна абмеркаваны гістарычныя шляхі стварэння і адаптацыі спецыяльнай тэрміналогіі ў айчынным перакладазнаўстве, магчымыя падыходы да яе лексікаграфічнага апісання, рэпрэзентацыі і ўкаранення ў навучальны працэс. Такія навуковыя дыскусіі спецыялістаў спрыяюць паглыбленню і пашырэнню гуманітарных ведаў, іх практычнаму выкарыстанню ў магчымых сумесных праектах.

Сярод удзельнікаў круглага стала былі: загадчык аддзела славістыкі і тэорыі мовы Інстытута мовазнаўства Т.М. Аліферчык са сваімі калегамі – вядучым навуковым супрацоўнікам Н.В. Якавенка, старшым навуковым супрацоўнікам І.П. Бязлепкінай, малодшым навуковым супрацоўнікам К.Г. Быкавай, а таксама загадчык аддзела лексікалогіі і лексікаграфіі Інстытута мовазнаўства А.М. Лапцёнак.

ПАМЯЦІ ЗОФІІ КАНСТАНЦІНАЎНЫ ТУРЦЭВІЧ

Пайшла з жыцця Зофія Канстанцінаўна Турцэвіч.

Зофія Канстанцінаўна нарадзілася 23 снежня 1936 года ў вёсцы Старое Ляўкова Гайнаўскага раёна Беластоцкай вобласці (Польшча). Базавую адукацыю атрымала ў Гайнаўскай школе, затым, з 1950 года, працягнула вучобу ў Бельск-Падляскім педагагічным тэхнікуме. Па накіраванні ў 1954 годзе паступіла на філалагічны факультэт Беларускага дзяржаўнага ўніверсітэта імя У.І. Леніна, які закончыла ў 1959 годзе, атрымаўшы спецыяльнасць “філолаг, настаўнік рускай і беларускай мовы і літаратуры”. У кастрычніку 1960 года Зофія Канстанцінаўна была залічана на пасаду малодшага навуковага супрацоўніка ў сектар гісторыі беларускай мовы Інстытута мовазнаўства імя Якуба Коласа, дзе працавала звыш 45 гадоў.

Алімпіяда па беларускай мове ва Універсітэце грамадзянскай абароны МНС Рэспублікі Беларусь

Ва Універсітэце грамадзянскай абароны 6 мая 2026 г. навуковы супрацоўнік аддзела гісторыі беларускай мовы Цэнтра даследаванняў беларускай культуры, мовы і літаратуры НАН Беларусі Святлана Мікалаеўна Макітрук правяла алімпіяду па дысцыпліне «Беларуская мова. Прафесійная лексіка». Інтэлектуальнае спаборніцтва аб’яднала навучэнцаў першага курса факультэта папярэджання і ліквідацыі надзвычайных сітуацый, якія прадэманстравалі веды і ўменні ў валоданні роднай мовай у прафесійнай дзейнасці.

Cемінар “Асновы лінгвістычнай экспертызы”

Шостага мая ў Інстытуце мовазнаўства імя Якуба Коласа адбыўся семінар на тэму “Асновы лінгвістычнай экспертызы”. Адкрыў пасяджэнне дырэктар інстытута Капылоў І. Л., адзначыўшы ў сваім выступленні важнасць гэтага віду прыкладной дзейнасці для забеспячэння патрэб двухмоўнага беларускага грамадства.

Атэстацыя аспірантаў і дактарантаў/

У Інстытуце мовазнаўства імя Якуба Коласа прайшла атэстацыя аспірантаў і дактарантаў.

ХХІІ Міжнародныя кнігазнаўчыя чытанні прайшлі ў Нацыянальнай бібліятэцы Беларусі

Супрацоўнікі аддзела гісторыі беларускай мовы Інстытута мовазнаўства імя Якуба Коласа Наталля Вікенцьеўна Паляшчук, Ірына Уладзіміраўна Будзько, Юрый Мікалаевіч Лаўрык, Святлана Мікалаеўна Макітрук і Эльвіра Валер’еўна Ярмоленка прынялі ўдзел у ХХІІ Міжнародных кнігазнаўчых чытаннях, якія праходзілі 16–17 красавіка 2026 г. у Нацыянальнай бібліятэцы Беларусі.

Глядзіце таксама