20 кастрычніка 2021 года ў Інстытуце мовазнаўства імя Якуба Коласа ДНУ “Цэнтр даследаванняў беларускай культуры, мовы і літаратуры НАН Беларусі” адбудзецца круглы стол “100 гадоў беларускай нацыянальнай лексікаграфіі: ад Інбелкульта да сучаснасці”, прымеркаваны да 100-годдзя Інстытута беларускай культуры.
Месца правядзення: Цэнтр даследаванняў беларускай культуры, мовы і літаратуры НАН Беларусі (г. Мінск, вул. Сурганава, д. 1, корп. 2, 3-ці паверх, каб. 302).
Пачатак работы: 15.00
Форма правядзення: вочна-дыстанцыйная
Падчас мерапрыемства плануецца абмеркаваць наступныя пытанні:
- Сцяпан Некрашэвіч як кіраўнік Слоўнікавай камісіі Інстытута беларускай культуры і яе дзейнасць па стварэнні “Слоўніка жывой беларускай мовы”;
- роля краязнаўчых арганізацый у лексікаграфічнай рабоце на пачатку 20 стагоддзя;
- пераемнасць паміж слоўнікавымі выданнямі Інбелкульта і сучаснымі працамі ў галіне беларускай лексікаграфіі.
Запрашаем усіх зацікаўленых і жадаючых!
Інстытут мовазнаўства імя Якуба Коласа
