Наша летняя сустрэча ў межах асветніцкіх лекцый-дыскусій, арганізаваных Інстытутам мовазнаўства імя Якуба Коласа і філіялам Дом-музей І з’езда РСДРП, будзе прысвечана агляду лексічных працэсаў, якія адбываліся ў беларускай мове на мяжы ХХ і ХХІ стагоддзяў.
Кардынальныя пераўтварэнні ў грамадска-палітычным, эканамічным і сацыяльным жыцці краіны паўплывалі на развіццё і функцыянаванне мовы. Гэты кароткі час з’яўляецца своеасаблівым этапам, на працягу якога адбылася вялікая колькасць моўных змен, асабліва ў сферы лексікі, што маюць некаторыя спецыфічныя рысы.
Збіранне і вывучэнне новых слоў і выразаў, а таксама новых значэнняў слоў адыгрывае вялікую ролю, у тым ліку ў лінгвістычных адносінах. Быў праведзены іх навуковы аналіз, у выніку чаго свет пабачыў “Слоўнік новых слоў беларускай мовы” (В.І. Уласевіч, Н.М. Даўгулевіч; Мінск, 2009).
Падчас лекцыі Вас чакае сустрэча з адным з аўтараў гэтага выдання, В.І. Уласевіч, якая правядзе прысутных па лексічных лабірынтах мяжы стагоддзяў.
Чакаем Вас 14 чэрвеня а 17.30.
Уваходны квіток у музей – 2 рублі.
УВАГА! Запісацца на лекцыю можна па тэлефоне +375 17 290-68-47 (Андрэй), альбо па адрасе электроннай пошты: domusmuseum@gmail.com
