Напрыканцы мінулага года выйшаў з друку чарговы 14 том “Этымалагічнага слоўніка беларускай мовы” (галоўны рэдактар Г. А. Цыхун, адказны – М. П. Антропаў), у якім завершана этымалагічная распрацоўка літары Т. Як і ў папярэдніх тамах, даследуецца гісторыя развіцця лексікі беларускай мовы і яе суадносіны з лексікай іншых славянскіх і неславянскіх моў. Том адкрываецца наступнай кароткай прадмовай “Ад рэдактараў”:
Навукова-асветніцкія курсы “Беларуская мова” працягваюцца ў 2018 годзе ў новым фармаце
Шаноўнае спадарства, усе, хто цікавіцца беларускай мовай, гісторыяй і культурай! Са студзеня 2018 года пачынаецца цыкл культурна-асветніцкіх лекцый-дыскусій. Плануецца, што сутрэчы будуць праходзіць рэгулярна 2 разы на месяц у 2-і і 4-ы чацвяргі. Пачатак – 18.30.
Віншуем Ганчарэнка Кацярыну Дзмітрыеўну!
Дырэкцыя Інстытута мовазнаўства імя Якуба Коласа, калегі, сябры віншуюць дактаранта Ганчарэнка Кацярыну Дзмітрыеўну з прызначэннем стыпендыі Прэзідэнта Рэспублікі Беларусь на 2018 год таленавітым маладым вучоным.
Віншуем Шклярыка Вадзіма Аляксандравіча!
У адпаведнасці з Палажэннем аб прэміях Нацыянальнай акадэміі навук Беларусі (пастанова Прэзідыума НАН Беларусі ад 17 снежня 1995 года № 25) прысуджана прэмія Нацыянальнай акадэміі навук Беларусі 2017 года ў намінацыі “Лепшая навуковая работа маладых вучоных” Шклярыку Вадзіму Аляксандравічу за манаграфію “Мікратапанімія Усходняга Палесся ў кантэк
Шклярыкам Вадзімам Аляксандравічам была абаронена кандыдацкая дысертацыя “Мікратапанімія Усходняга Палесся: лінгвагеаграфічны і лексіка-семантычны аспекты”
15 снежня ў Інстытуце мовазнаўства імя Якуба Коласа на пасяджэнні вучонага савета па абароне дысертацый Д 01.42.03 навуковым супрацоўнікам аддзела лексікалогіі і лексікаграфіі Шклярыкам Вадзімам Аляксандравічам была абаронена кандыдацкая дысертацыя “Мікратапанімія Усходняга Палесся: лінгвагеаграфічны і лексіка-семантычны аспекты” (спецыяльнасць 10.02.01 – беларуская мова; навуковы кіраўнік – І.Л. Капылоў). Выніковая адзнака – 4.9.
Навука і адукацыя
У рамках праекта Беларускага дзяржаўнага педагагічнага ўніверсітэта імя Максіма Танка "Сузор'е культур" 7 снежня 2017 года прайшла сустрэча дырэктара Інстытута мовазнаўства імя Якуба Коласа Ігара Капылова з выкладчыкамі і студэнтамі ўніверсітэта, падчас якой абмярковаліся пытанні беларускай анамастыкі, тэрытарыяльнай і часавай дыферэнцыяцыі ўласных імёнаў, іх паходжанне.У мерапрыемстве бралі ўдзел дэкан філалагічнага факультэта В.Д. Старычонак, намеснік дэкана па выхаваўчай рабоце С.А. Сычова, дацэнты кафедры беларускага мовазнаўства Н.М. Нямковіч, Т.Я. Старасценка, В.В. Урбан і інш., студэнты 2,3 і 4 курсаў філалагічнага факультэта.
Арганізатары: Чайка Наталля Уладзіміраўна, прафесар кафедры беларускага мовазнаўства, Д.В. Дзятко, загадчык кафедры беларускага мовазнаўства, І.П. Кудраватых, прафесар кафедры беларускага мовазнаўства.
