Дырэктар Інстытута мовазнаўства імя Якуба Коласа І.Л. Капылоў і дырэктар Інстытута літаратуразнаўства І.В. Саверчанка сустрэліся з выпускнікамі філалагічнага факультэта БДУ. Падчас сустрэчы вучоныя расказалі аб асноўных напрамках дзейнасці інстытутаў, засяродзілі ўвагу студэнтаў на актуальных праблемах акадэмічнага мовазнаўства і літаратуразнаўства, адзначылі важнасць далучэння маладых спецыялістаў да навуковых даследаванняў, у першую чаргу праз навучанне ў аспірантуры.

11 лістапада ў Інстытуце мовазнаўства імя Якуба Коласа адбыўся круглы стол. Ён быў прысвечаны 100-годдзю з дня нараджэння выбітнага дыялектолага, лаўрэата Дзяржаўнай прэміі СССР і Дзяржаўнай прэміі Рэспублікі Беларусь Алены Іванаўны Чабярук. На круглым стале прысутнічалі дачка Алены Іванаўны Яўгенія Мікалаеўна Яфімава і ўнучка Марыя Анатольеўна Яфімава. Іх прысутнасць дадала асаблівай цеплыні і ўзрушанасці пасяджэнню. Дзякуючы ўспамінам родных прысутныя даведаліся пра Алену Іванаўну як маці і бабулю, прыгадалі яны таксама, што запомнілася ім з расповедаў Алены Іванаўны пра падзеі, звязаныя са стварэннем атласа, пра палявыя даследаванні.

Дырэктар Інстытута мовазнаўства імя Якуба Коласа І.Л. Капылоў прыняў удзел у Міжнародным навуковым сімпозіуме “Сучасныя тэндэнцыі развіцця лінгвістычнай навукі: праблематыка і метадалогія даследаванняў”, які прайшоў у Інстытуце мовы, літаратуры і мастацтва імя Г. Ібрагімава Акадэміі навук Рэспублікі Татарстан.  У сімпозіуме ўдзельнічалі вучоныя-мовазнаўцы з розных рэгіёнаў Расійскай Федэрацыі (Масква, Санкт-Пецярбург,  Нальчык, Кемерава, Казань, Грозны, Ялабуга, Якуцк, Краснадар,  Махачкала,  Благавешчанск, Іжэўск, Томск, Новасібірск, Чабаксары, Іашкар-Ала, Саранск, Уфа, Перм і інш.), а таксама Казахстана і Кыргызстана.

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры запрашае на сустрэчу-прэзентацыю кнігі Навума Гальпяровіча «Чырвоны мост».

Навум Якаўлевіч Гальпяровіч – журналіст, пісьменнік, аўтар вядомай праграмы «Суразмоўцы» на тэлеканале «Беларусь 3», вядучы радыёпраграмы «Дыялогі пра культуру», заслужаны дзеяч культуры Рэспублікі Беларусь, аўтар больш за 20 кніг паэзіі, прозы і публіцыстыкі.

Вас чакаюць шчырая размова, непаўторныя ўспаміны аўтара і аўтограф-сесія.

Дата: 17 лістапада

Час: 14:00

Месца: вул. Сурганава ½, аўдыторыя 302

Уваход вольны.

Запрашаем далучыцца да цёплай сустрэчы з пісьменнікам.

У адпаведнасці з запрашэннем Генеральнага сакратара Савета Міжпарламенцкай Асамблеі дзяржаў–удзельніц СНД дырэктар Інстытута мовазнаўства імя Якуба Коласа  І.Л. Капылоў прыняў удзел у другой Міжнароднай навуковай канферэнцыі «Русский язык – основа интеграционного диалога в регионе СНГ», якая праводзілася Міжпарламенцкай Асамблеяй дзяржаў-удзельніц СНД у Санкт-Пецярбургу.

29 кастрычніка 2025 года адбыўся круглы стол “Моўная інтэрферэнцыя як праблема культуры беларускай і рускай моў ва ўмовах блізкароднаснага білінгвізму”, арганізаваны аддзелам беларуска-рускіх моўных сувязей Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі. У ім прынялі ўдзел выкладчыкі ВНУ і супрацоўнікі іншых аддзелаў інстытута.

Шаноўныя калегі!

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі запрашае Вас прыняць удзел у круглым стале, прысвечаным ушанаванню Алены Іванаўны Чабярук, стагадовага юбіляра, лаўрэата Дзяржаўнай прэміі СССР і Дзяржаўнай прэміі Рэспублікі Беларусь.

Круглы стол адбудзецца 11 лістапада 2025 года.

Пачатак у 14.00

Адрас: вул. Сурганава, д. 1. корп. 2, пакой 302.

16 кастрычніка 2025 года ў Інстытуце мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі адбылася Міжнародная навуковая канферэнцыя «Роднае слова на хвалях часу: да 90-годдзя акадэміка А. І. Падлужнага»

13-14 кастрычніка 2025 г. адбыўся IV Міжнародны Форум ШІ-Акадэмграда “Штучны інтэлект у Беларусі”. У рамках Форума прайшла выстава, у якой прынялі ўдзел загадчык сектара камп’ютарнай лінгвістыкі Цэнтра даследаванняў беларускай культуры мовы і літаратуры НАН Беларусі Уладзімір Кошчанка і старшы навуковы супрацоўнік названага сектара Святлана Лазавая.