3 верасня ў 14.00 у Цэнтральнай навуковай бібліятэцы імя Якуба Коласа НАН Беларусі адбудзецца прэзентацыя выдання “Тафсіры, кітабы і хамаілы з прыватных кнігазбораў Беларусі: каталог” (Мінск: Беларуская навука, 2020), прысвечаная Тыдню мастацкага слова ў НАН Беларусі.

Цэнтр даследаванняў беларускай культуры, мовы і літаратуры Нацыянальнай акадэміі навук Беларусі праводзіць Рэспубліканскі конкурс творчых пісьмовых работ “За што я люблю родную зямлю”

Дарагія суайчыннікі! На вышэйшым дзяржаўным узроўні 2018, 2019, 2020 гады былі абвешчаны ў нашай краіне Годам малой радзімы. За тры гады акцыі ў рэспубліцы былі праведзены тысячы мерапрыемстваў па развіцці і добраўпарадкаванні населеных пунктаў у розных рэгіёнах краіны, па павышэнні ўзроўню культуры і духоўнасці беларускага народа, захаванні мясцовых традыцый, адметных рыс побыту народа, яго этнаграфічнай культуры і мовы.

У гэтай сувязі Нацыянальная акадэмія навук Беларусі праводзіць агульнарэспубліканскую творчую акцыю “За што я люблю родную зямлю”. Яна заключаецца ў стварэнні жыхарамі гарадоў і вёсак Беларусі творчых прац, у якіх будуць адлюстраваны дасягненні ў развіцці рэгіёнаў Беларусі, увасоблена пачуццё гонару за сваю малую радзіму і любоў да яе гераічнага мінулага і славутага цяперашняга.

Слоўнік мовы “Нашай Нівы” (1906-1915). У 5 т. Т. 4: С—Я / Уклад. I. А. Гапоненка, М. Н. Крыўко, В. П. Лемцюгова; пад рэд. В. П. Лемцюговай, А.М.Анісім. -Мінск : Тэхналогія, 2019. - 648 с.

УСТУПНАЕ СЛОВА

У гісторыі кожнай мовы ёсць асабліва адметныя, этапныя перыяды. Для беларускай мовы такім быў пачатак ХХ стагоддзя – перыяд нацыянальна-культурнага адраджэння. Закон «Аб свабодзе друку» (1906 г.) зняў забарону на беларускае друкаванае слова, і неўзабаве голасна заявілі пра сябе першыя легальныя беларускамоўныя газеты «Наша Доля», «Наша Ніва», «Biełarus».

У Інстытуце мовазнаўства імя Якуба Коласа створаны філіял кафедры медыялінгвістыкі і рэдагавання БДУ.

Мэтай стварэння філіяла з’яўляецца ўмацаванне практычнай накіраванасці падрыхтоўкі спецыялістаў у галіне журналістыкі і літаратурнай работы, замацаванне на практыцы ведаў і ўменняў, якія атрымліваюць студэнты ва ўніверсітэце, азнаямленне іх з дасягненнямі сучаснага мовазнаўства і прыцягненне да навуковай работы.

Абвешчаны набор у аспірантуру і дактарантуру Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі на 2020 год на спецыяльнасці: 10.02.01 – Беларуская мова

Тафсіры, кітабы і хамаілы з прыватных кнігазбораў Беларусі: каталог / склад. М. У. Тарэлка. – Мінск: Беларуская навука, 2020. – 203 с.

У час навуковых экспедыцый 2016–2018 гг. былі выяўлены звыш двухсот беларуска-татарскіх рукапісаў XVII–XXI стст., што знаходзяцца ў прыватным уладанні на тэрыторыі Беларусі. Зроблены іх электронныя копіі, на падставе якіх апісваюцца дваццаць восем найбольш каштоўных дакументаў: два тафсіры, пятнаццаць кітабаў, дзесяць хамаілаў і рукапіс пад умоўнай назвай «Асновы веры».

Да выдання прыкладаецца DVD-дыск з электроннымі копіямі найбольш каштоўных рукапісаў  і іх фрагментаў.

Дата правядзення Міжнароднай навуковай канферэнцыі “Актуальныя праблемы сучаснай славістыкі: час, прастора, інфармацыйныя тэхналогіі” пераносіцца з 28-29 мая 2020 года на 19-20 лістапада 2020 года (Пастанова Бюро Прэзідыума Нацыянальнай акадэміі навук Беларусі, № 630 ад 9 красавіка 2020 года)

Філаматы і філарэты: творчы лёс пакалення ў гісторыі і сучаснасці (да 200-годдзя ўтварэння таварыства): зб. навук. арт. / Нац. акад. навук Беларусі [і інш.]; навук. рэд.: І. Л. Капылоў, І. Э. Багдановіч; адк. рэд. В. У. Міцкевіч. – Мінск: Беларуская навука, 2020. – 307 с. – (Беларусіка = Albaruthenica; кн. 39).