Крыніца: https://www.sb.by/articles/dyrektar-instytuta-movazna-stva-imya-yakuba-kolasa-shlyakhi-zakhavannya-movy-geta-yae-prestyzh-syaro.html

Адзін са шляхоў вырашэння складанага пытання захавання мовы — гэта яе прэстыж сярод моладзі і прысутнасць у інтэрнэт-прасторы. Такую думку выказаў дырэктар Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі Ігар Капылоў на прэзентацыі кнігі Update у Доме прэсы.
 

17 лютага ў Інстытуце мовазнаўства імя Якуба Коласа адбыўся круглы стол “Беларуска-рускае дзяржаўнае двухмоўе: праблемы ўпарадкавання і функцыянавання беларускай камп’ютарнай тэрміналогіі”. На пасяджэнні былі абмеркаваны актуальныя праблемы сучаснага стану беларускай ІТ-тэрміналогіі; пытанні яе функцыянавання ў двухмоўным соцыуме; узровень лексікаграфічнай кадыфікацыі паняццяў і тэрмінаў, што ўжываюцца ў сферы інфармацыйных тэхналогій.

18 лютага ў Інстытуце мовазнаўства імя Якуба Коласа адбылася незвычайная сустрэча з паэтычнай назвай “Жыватворная крыніца натхнення”. Упершыню на запрашэнне да размовы з прадстаўнікамі навуковай думкі адгукнуліся творцы, людзі мастацкага слова. А аб’яднаў іх, і ў гэтым няма нічога дзіўнага, дбайны клопат аб захаванні роднага беларускага слова і перадачы яго як найвялікшага культурнага набытку наступным пакаленням.

14 лютага 2020 г. у Цэнтральнай навуковай бібліятэцы імя Якуба Коласа Нацыянальнай акадэміі навук Беларусі адбылася прэзентацыя першага ў гісторыі лексікаграфіі “Французска-беларускага слоўніка прававой лексікі”, які выйшаў у выдавецтве “Беларуская навука”.

Дарагія сябры, запрашаем  на прэзентацыю тэматычнага слоўніка “Плытніцтва” , створанага супрацоўнікамі аддзела дыялекталогіі і лінгагеаграфіі Інстытута мовазнаўства імя Якуба Коласа (20 лютага ў 14.30, Цэнтральная навуковая бібліятэка імя Якуба Коласа, вул. Сурганава, 15).

Паводле чаго вызначаецца жыццядзейнасць і жыццяздольнасць той ці іншай мовы? Яшчэ гадоў пятнаццаць таму асноўнымі крытэрыямі лічылася колькасць вучняў, якія атрымліваюць на ёй адукацыю або вывучаюць яе, наяўнасць кнігавыдання, прысутнасць мовы ў дзяржаўных інстытуцыях... Сёння ўсё гэта таксама, безумоўна важна, але новыя тэхналогіі і тут дыктуюць свае правілы: пра тое, наколькі мова жывая, мяркуюць у першую чаргу па яе прысутнасці ў віртуальнай прасторы — у камп'ютарным забеспячэнні, у рознага кшталту дадатках, у сацыяльных сетках, увогуле ў Сеціве...

Хтосьці тут жа, прыгадаўшы беларускую раскладку клавіятуры, у тым ліку і для мабільных прылад, беларускамоўную «Вікіпедыю», «Вайбер» ды «Фэйсбук», якія будуць камунікаваць з карыстальнікам па-беларуску, было б толькі яго жаданне, скажа, што ў гэтым плане з нашай мовай усё ў парадку. Але ці так гэта насамрэч? У грамадстве, дзе большасць носьбітаў менавіта жывой мовы дажываюць век у вёсках ці пасяліліся на кніжных старонках у творах класікаў, а моладзь толькі пачынае мовай цікавіцца, ці не прыйдзем мы ўрэшце да мовы перакладчыка Gооglе — і яна будзе лічыцца эталонам?

Пра гэта і пра іншыя рызыкі і праблемы, а таксама пра станоўчыя моманты ва ўплыве інфармацыйных тэхналогій на развіццё беларускай мовы вялася гутарка падчас круглага стала ў рэдакцыі «Звязды».

5 лютага ў Браціславе (Славакія) адбыўся Міжнародны навуковы калёквіум «Славянскія дыялекты ў часе і прасторы», арганізаваны Інстытутам мовазнаўства імя Людавіта Штура Славацкай акадэміі навук (ІМЛШ САН) сумесна з Славацкім лінгвістычным таварыствам пры ІМЛШ САН і прысвечаны 80-гадоваму юбілею вядомага славацкага моваведа-дыялектолага Адрыяны Феранчыкавай.

13 лютага 2020 г. у Інстытуце мовазнаўства імя Якуба Коласа адбылося адкрыццё Школы юнага лінгвіста.

Школа з’яўляецца дадатковай формай адукацыі вучнёўскай моладзі, якая садзейнічае больш глыбокаму і ўсвядомленаму пранікненню ў сутнасць моўных з’яў пры дапамозе аналітычнай работы над тэкстамі розных стыляў і жанраў. Дзейнасць Школы ажыццяўляецца ў кірунку некалькіх аспектаў.

13 лютага адзначыла свой юбілей выдатны вучоны-лінгвіст, загадчык аддзела сучаснай беларускай мовы Інстытута мовазнаўства імя Якуба Коласа, доктар філалагічных навук Валянціна Паўлаўна Русак.

У Інстытуце мовазнаўства імя Якуба Коласа прайшло першае мерапрыемства, прымеркаванае да Міжнароднага дня роднай мовы. Ім стала сустрэча дырэкцыі Інстытута, яго супрацоўнікаў і запрошаных спецыялістаў са школьнікамі-пераможцамі абласных алімпіяд па беларускай мове і гісторыі.