Шаноўныя калегі, сябры, аматары роднага слова!

Запрашаем вас на круглы стол “100 ГАДОЎ БЕЛАРУСКАЙ НАЦЫЯНАЛЬНАЙ ЛЕКСІКАГРАФІІ: АД ІНБЕЛКУЛЬТА ДА СУЧАСНАСЦІ” ў анлайн-фармаце.

Далучыцца да мерапрыемства можна будзе 20 кастрычніка ў 15.00 праз платформу Zoom.

Спасылка да падлучэння:

https://us02web.zoom.us/j/87054416819?pwd=ak1XbmprdFBUQnRZOWszWU91VHdyUT09

Ідэнтыфікатар канферэнцыі: 870 5441 6819
Код доступу: 1

Будзем рады вас вітаць!

6 кастрычніка Прэзідыумам ВАК зацверджана рашэнне Савета па абароне дысертацый аб прысуджэнні вучонай ступені кандыдата філалагічных навук малодшаму навуковаму супрацоўніку сектара этналінгвістыкі і фальклору ГАННЕ ВІКТАРАЎНЕ АЛЕКСЯЕВІЧ.

Тэма дысертацыйнага даследавання – “Чэшская моўная традыцыя ў Беларусі: старабеларускі перыяд”. Навуковы кіраўнік – кандыдат філалагічных навук, дацэнт М.П. Антропаў.

Калегі віншуюць Ганну Віктараўну і жадаюць плёну і творчага натхнення!

20 кастрычніка 2021 года ў Інстытуце мовазнаўства імя Якуба Коласа ДНУ “Цэнтр даследаванняў беларускай культуры, мовы і літаратуры НАН Беларусі” адбудзецца круглы стол “100 гадоў беларускай нацыянальнай лексікаграфіі: ад Інбелкульта да сучаснасці”, прымеркаваны да 100-годдзя Інстытута беларускай культуры.

Месца правядзення: Цэнтр даследаванняў беларускай культуры, мовы і літаратуры НАН Беларусі (г. Мінск, вул. Сурганава, д. 1, корп. 2, 3-ці паверх, каб. 302).

Пачатак работы: 15.00

Форма правядзення: вочна-дыстанцыйная

21 верасня 2021 г. на базе УА «Мінскі гарадскі палац дзяцей і моладзі» прайшоў навучальны семінар «Першыя крокі ў даследчай дзейнасці» для вучняў 8–11 класаў, якія рыхтуюцца да ўдзелу ў XLI гарадской канферэнцыі навучэнцаў у 2021/2022 навучальным годзе.

Работа семінара накіравана на рашэнне пытанняў якаснай падрыхтоўкі праектаў і арганізацыі даследчых работ. Па навучальных прадметах «Беларуская мова» (секцыя «Лінгвістыка») і «Беларуская літаратура» (секцыя «Літаратуразнаўства») семінар правяла навуковы супрацоўнік аддзела лексікалогіі і лексікаграфіі Інстытута мовазнаўства імя Якуба Коласа А.А. Марозава.

26 кастрычніка 2021 года ў Інстытуце мовазнаўства імя Якуба Коласа ДНУ “Цэнтр даследаванняў беларускай культуры, мовы і літаратуры НАН Беларусі” адбудзецца круглы стол “Беларуская навуковая тэрміналогія: гісторыя і сучаснасць”, прымеркаваны да 100-годдзя Інстытута беларускай культуры.

Месца правядзення: Цэнтр даследаванняў беларускай культуры, мовы і літаратуры НАН Беларусі” (г. Мінск, вул. Сурганава, д. 1, корп. 2, 3-ці паверх, каб. 302).

Пачатак работы: 10-00

4-га верасня ў рамках Дня беларускага пісьменства ў горадзе Капылі Інстытутам мовазнаўства імя Якуба Коласа была праведзена Рэспубліканская навукова-практычная канферэнцыя “Капыльскія чытанні – 2021”.   У канферэнцыі прынялі ўдзел вядучыя вучоныя Інстытута мовазнаўства імя Якуба Коласа, Інстытута літаратуразнаўства імя Янкі Купалы, Інстытута гісторыі, Інстытута мастацтвазнаўства, этнаграфіі і фальклору імя Кандрата Крапівы, а таксама выкладчыкі ВНУ краіны, прадстаўнікі творчай інтэлігенцыі раёна. Падчас канферэнцыі было прачытана 18 навукова-папулярных дакладаў, тэматыка якіх была звязана  непасрэдна з  Капыльшчынай: мова (асаблівасці мясцовых гаворак, культурны кантэкст назваў вуліц Капыля, паходжанне назваў вёсак раёна, змест і мова беларуска-татарскіх рукапісаў з Капыля), літаратура (творчасць паэтаў і пісьменнікаў, ураджэнцаў Капыльшчыны), гісторыя (вынікі раскопак на Капыльшчыне, гістарычная тапаграфія Капыля ў 12 – 20 стст., Капыльскае княства і яго маёнткі ў 14 – 17 стст.), кульутра (капыльскі фальклор, народныя святы і інш.). Некалькі выступленнямў было прысвечана знакамітым капылянам: М.С. Высоцкаму, А.А. Кавалені,  Л. Клейнбарту,  М. Сфорыму і інш. Важнай асаблівасцю канферэнцыі стаў удзел у ёй з навуковымі дакладамі мясцовых настаўнікаў і вучняў.

27–28 жніўня 2020 года адбылося анлайн-пасяджэнне Міжнароднага камітэта славістаў, на якім былі абмеркаваны пытанні падрыхтоўкі да XVII Міжнароднага з’ездза славістаў, што адбудзецца ў 2023 годзе ў Парыжы (Францыя). На пасяджэнні МКС была абмеркавана і зацверджана тэматыка з’езда, вызначаны формы работы з’езда, квоты ўдзелу ў з’ездзе для нацыянальных дэлегацый,  тэрміны падачы заявак і інш.

Традыцыйна работа з’езда будзе праходзіць у форме секцыйных пасяджэнняў, тэматычных блокаў, круглых сталоў і прэзентацый. Будзе арганізавана кніжная выстаўка славістычнай літаратуры, апублікаванай за папярэднія пяць гадоў. Таксама адбудуцца рабочыя пасяджэнні камісій, акрэдытаваных пры МКС, і пленум Міжнароднага камітэта славістаў.

Тэматыка XVII Міжнароднага з’езда славістаў

(Францыя, Парыж, 2023 г.)

inf.list_ethnolinguistic.docx

У філіяле “Інстытут мовазнаўства імя Якуба Коласа” Цэнтра даследаванняў беларускай культуры, мовы і літаратуры НАН Беларусі 18–19 лістапада будзе праходзіць Міжнародная навуковая канферэнцыя “Этналінгвістыка і традыцыйная культура: дыяхранічны і сінхранічны аспекты міжмоўнага ўзаемадзеяння”. Па выніках канферэнцыі запланавана выданне зборніка навуковых артыкулаў і яго размяшчэнне ў базе РІНЦ (Расійскі індэкс навуковага цытавання).

Уся актуальная інфармацыя размешчана ў інфармацыйным лісце.

Запрашаем да ўдзелу!