21.02.2022, 13:00 – Рэспубліканская дыктоўка па беларускай мове, прымеркаваная да Міжнароднага дня роднай мовы.

Спасылка для падключэння ў Zoom: https://us02web.zoom.us/j/86490866006

Спасылка на YouTube-трансляцыю: https://www.youtube.com/watch?v=Bd6xSg7HUvE

22.02.2022, 11:30 – круглы стол «Праблемы картаграфавання сродкаў традыцыйнай нематэрыяльнай культуры: Беларускі фальклорна-этналінгвістычны атлас»

Спасылка для падключэння ў Zoom: https://us02web.zoom.us/j/89163862762.

Ідэнтыфікатар канферэнцыі: 891 6386 2762.

Спасылка на YouTube-трансляцыю: https://youtu.be/2qcA53PmFpA.

23.02.2022, 11:30 – прэзентацыя інавацыйнага праекта «Мова прафесіі»

Спасылка для падключэння ў Zoom: https://us02web.zoom.us/j/83939143452?pwd=akY3aDc4c3hITE5zalkvWHBYOGkvQT09.

Ідэнтыфікатар канферэнцыі: 839 3914 3452. Код доступу: 767903.

Спасылка на YouTube-трансляцыю: https://youtu.be/jpGU2KFz-0M.

23.02.2022, 19:00 – прэзентацыя для шырокай грамадскасці Беларусі і замежжа на тэму «Беларускі N-корпус: гісторыя і перспектывы»

Спасылка для падключэння ў Zoom:

https://us02web.zoom.us/j/88374288834?pwd=ZHplUFdsbk1IdW42VU1CSFlzdjZmdz09

Ідэнтыфікатар канферэнцыі: 883 7428 8834. Код доступу: 615928.

Сектар этналінгвістыкі і фальклору

Цэнтра даследаванняў беларускай культуры, мовы і літаратуры НАН Беларусі

Праграма круглага стала:

Антропаў М., “Этналінгвістычнае картаграфаванне ў святле працы над  «Беларускім фальклорна-этналінгвістычным атласам»”

Валодзіна Т. “БФЭЛА: народная медыцына і этналінгвістычнае картаграфаванне”

Авілін Ц. “Млечны шлях: арэальныя даследаванні”

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі і Цэнтральная навуковая бібліятэка імя Якуба Коласа НАН Беларусі запрашаюць прыняць удзел у Рэспубліканскай дыктоўцы па беларускай мове, прымеркаванай да Міжнароднага дня роднай мовы.

Дыктоўка адбудзецца 21 лютага 2022 г. з 13:00 да 14:00 у рэжыме анлайн праз платформу ZOOM. Спасылка для падключэння: https://us02web.zoom.us/j/86490866006

Таксама плануецца анлайн-трансляцыя мерапрыемства на платформе Youtube па спасылцы: https://www.youtube.com/watch?v=Bd6xSg7HUvE

Для ўдзелу ў мерапрыемстве просім прайсці рэгістрацыю (да 19 лютага ўключна) па спасылцы:

https://forms.gle/um3x8yV71FiR4bub9

Пасля рэгістрацыі вы атрымаеце больш падрабязную інфармацыю.

Будзем рады бачыць вас сярод удзельнікаў нашага мерапрыемства!

З Аргкамітэтам можна звязацца праз e-mail: dyktouka21@gmail.com

або па тэлефоне: +375 17 270-04-74

ЗАЦВЯРДЖАЮ

Старшыня Прэзідыума НАН Беларусі, акадэмік У.Р. Гусакоў

Міжнародны дзень роднай мовы – штогадовае свята, заснаванае рашэннем Генеральнай сесіі ЮНЕСКА ў 2000 г. Галоўная мэта
свята – захаванне моўнай і культурнай шматстайнасці ў свеце, падтрымка нацыянальных моў і культур, а таксама забеспячэнне права кожнага грамадзяніна карыстацца роднай мовай.

з 21 па 28 лютага 2022 г.

Інстытут мовазнаўства імя Якуба Коласа сумесна з грамадскай арганізацыяй “Беларускі фонд культуры” арганізаваў навукова-практычны семінар “Сучасныя формы развіцця рэгіянальнага турызму” на базе Нацыянальнага агенцтва па турызме. У рабоце семінара прынялі ўдзел дырэктар Інстытута мовазнаўства І.Л. Капылоў, старшыня ГА «Беларускі фонд культуры» Т.І. Стружэцкі, намеснік старшыні Пастаўскага райвыканкама С.У. Чымбург, дырэктар Нацыянальнага агенцтва па турызме П.М. Сапоцька, старшыня праўлення Беларускай асацыяцыі экспертаў і сюрвеераў на транспарце, дырэктар НВУП «БАЭС Ю.П. Важнік, начальнік аддзела маркетынгу і якасці турысцкіх паслуг Міністэрства спорту і турызму Рэспублікі Беларусь І.Г. Брынкевіч, загадчык аддзела дыялекталогіі і лінгвагеаграфіі Інстытута мовазнаўства В.М. Курцова, галоўны спецыяліст аддзела па спорце і турызме Пастаўскага райвыканкама Я.П. Скрыдлеўскі, Елавая Алена Міхайлаўна, старшы выкладчык кафедры тэхналогій камунікацый і сувязей з грамадскасцю факультэта журналістыкі БДУ. Падчас семінару абмяркоўваліся перспектыўныя напрамкі развіцця турызму на базе Пастаўскага раёна. Было прынята рашэння аб распрацоўцы канцэпцыі развіцця турызму ў рэгіёне і абвяшчэнні Рэспубліканскага конкурсу на лепшую творчую работу, прысвечаную стварэнню брэндынгу раёна.

25 студзеня ў Цэнтральнай навуковай бібліятэцы імя Якуба Коласа НАН Беларусі адбылася Рэспубліканская навукова-практычная канферэнцыя «Інстытут беларускай культуры (1922–1928): нараджэнне нацыі і нацыянальнай навукі», прысвечаная юбілею першага нацыянальнага навукова-даследчага цэнтра і юбілею беларускай акадэмічнай навукі. Арганізатарамі канферэнцыі выступілі ўстановы Нацыянальнай акадэміі навук Беларусі: Інстытут мовазнаўства імя Якуба Коласа, Цэнтральная навуковая бібліятэка імя Якуба Коласа, Інстытут літаратуразнаўства імя Янкі Купалы.

Падрабязней: https://csl.bas-net.by/news/one-news.asp?id=89568

Мова – універсальны інструмент спасціжэння свету і ведаў аб ім, на ўсіх узроўнях, ва ўсіх праяўленнях і катэгорыях. Навучальны змест бадай кожнай школьнай дысцыпліны рэалізаваны сродкамі мовы, не кажучы ўжо пра вучэбныя прадметы «Беларуская мова» і «Беларуская літаратура», «Руская мова» і «Руская літаратура», на якіх сама мова выступае адначасова і аб’ектам вывучэння.

Сферы школьнай адукацыі і лінгвістычнай навукі заўсёды развіваюцца побач, у досыць цесным узаемадзеянні. Калі ўявіць іх у выглядзе лагічных кругоў, то можна ўбачыць і дакладныя кропкі судакранання. Ужо традыцыйнымі сталі сустрэчы акадэмічных мовазнаўцаў і навучэнцаў старшых класаў устаноў агульнай сярэдняй адукацыі ў рамках правядзення такіх навучальных і навукова-даследчых мерапрыемстваў, як трэці этап рэспубліканскай алімпіяды па вучэбных прадметах «Беларуская мова» і «Беларуская літаратура», «Руская мова» і «Руская літаратура» і гарадскія канферэнцыі навучэнцаў у секцыі «Лінгвістыка».

Традыцыйна ў пачатку года пад эгідай камітэта па адукацыі Мінгарвыканкама аддзел інтэлектуальнай творчасці Мінскага дзяржаўнага палаца дзяцей і моладзі праводзіць конкурсы даследчых работ навучэнцаў старэйшых класаў па розных вучэбных дысцыплінах. На працягу некалькіх гадоў вучоныя Інстытута мовазнаўства імя Якуба Коласа супрацоўнічаюць з арганізатарамі гэтых навуковых мерапрыемстваў, ацэньваючы работы школьнікаў па вучэбных прадметах “Руская мова”, “Беларуская мова”  “Руская літаратура”, “Беларуская літаратура”.

З 17 па 21 студзеня 2022 года праходзіла XLI гарадская канферэнцыя навучэнцаў у дыстанцыйным фармаце ў праграме Zoom. У якасці членаў журы секцыі “Лінгвістыка” (па вучэбным прадмеце “Руская мова”) выступілі старшы навуковы супрацоўнік аддзела беларуска-рускіх моўных сувязей кандыдат філалагічных навук Ванкевіч А. Г., старшы навуковы супрацоўнік аддзела лексікалогіі і лексікаграфіі кандыдат філалагічных навук Вагнер С. А.

11–14 студзеня 2022 года ў ДУА “Гімназія № 14 г. Мінска” праходзіў трэці этап XXXVIIІ рэспубліканскай алімпіяды па вучэбных прадметах “Беларуская мова” і “Беларуская літаратура” за 2021/2022 навучальны год у г. Мінску. У алімпіядзе спаборнічалі вучні дзявятых, дзясятых і адзінаццатых класаў.

У журы алімпіяды акрамя настаўнікаў школ і выкладчыкаў ВНУ г. Мінска ўваходзілі і супрацоўнікі Цэнтра даследаванняў беларускай культуры, мовы і літаратуры Нацыянальнай акадэміі навук Беларусі (філіял “Інстытут мовазнаўства імя Якуба Коласа”) – вядучы навуковы супрацоўнік аддзела сучаснай беларускай мовы Вікторыя Іванаўна Уласевіч (старшыня журы) і вядучы навуковы супрацоўнік аддзела гісторыі беларускай мовы Эльвіра Валер’еўна Ярмоленка (член журы).